Het heeft een aantal jaren geduurd voor één van de Supermannen prins carnaval werd. Op 21 januari was het eindelijk zover! Prins Stefan en prinses Marlin!
De nuije Gruutsje en Hoege Hoeglöstigheid van C.V. de Sjlaaibök-Amie; Prins Stefan d’n Ierste en zien al eve Hoeglöstige Prinses Marlin zien in Amie – en daoboete – bekind es Stefan Ritzervelt en Marlin Janssen. Zie woene in de O 33 in Amie. Stefan verdeent de kos door te wèrke es commercieel / technisch rekeneir beej de firma Soons. Zien prinses Marlin is projectintercedente beej Timing. Oos Prinsepaar kint ziech vanaaf 2013 via ‘t voetballe. Zie höbbe ziech liere kinne tijdes ’n feeske van de voetbalclub Willem 1, boe Marlin beej ’t dameselftal sjpeilde. Hobbies heit oze Prins zier zeker; zoe kint geer häöm altied vinde op de tribune es MVV-ke thoes sjpeilt, is heer trainer van ’t twiede èlftal van ASV en is eine van de supermanne die geire same es kammereuij mèt-ein op sjtap goon. Daoneve verzörg óze Prins al jaore ’t vuurwèrk tijdens ’t oplaote van Bertsje bok. Zien prinses Marlin deit geire aan fitnes beej Anytime. Daoneve besjteid zie de mieste tied aan winkele en lunche mèt haor vriendinne. En zie goon regelmaotig same op sjtap en zien dan ouch regelmaotig terögk te vinde in de Amiese horeca-gelegenhede. Zoe es zie zelf zègke; luij van Amie, laote veer d’r de komende weke, heij in Amie, same ’n groet fees van make. Zie goon d’r in eder geval alles aan doen, um de karneval van 2017 ‘ne onvergeteleke te laote weure.